سەرۆکی حکوومەتی هەرێمی کوردستان، هاوخەمی خۆی بۆ کەسوکاری قوربانییانی بوومەلەرزەکەی میانمار و تایلەند دەربڕی و هیوای زوو چاکبوونەوەشی بۆ بریندارەکان خواست.
ئەمڕۆ هەینی 28ی ئادار، مەسروور بارزانی، سەرۆکی حکوومەتی هەرێمی کوردستان، لە هەژماری تایبەتی خۆی لە تۆڕی کۆمەڵایەتی "ئێکس"، پەیامێکی هاوخەمی بڵاو کردەوە كە ئەمە دەقەكەیەتی:
زۆر دڵتەنگ و نیگەرانم بە ڕوودانی ئەو بوومەلەرزەیەی کە میانمار و تایلەندی گرتەوە و ژمارەیەک قوربانیی لێ کەوتەوە. سەرەخۆشی خۆم ئاراستەی بنەماڵەی قوربانییەکان دەکەم و هیوای زووچاکبوونەوەش بۆ بریندارەکان دەخوازم. هیوای ڕزگاربوون بۆ ئەو کەسانە دەخوازم کە تا ئێستا لەژێر داروپەردووی باڵەخانەکاندا ماون.