دوای داواكەی ئەمەریكا بە چۆڵكردنی غەزە و ناردنی خەڵكەكەی بۆ وڵاتان، نەتەنیاهۆ دەیەوێت بزانێت دەچن بۆ كوێ، بۆیە داوای لە مۆساد كردووە، چاودێرییان بكات.
بەپێی زانیاریی ماڵپەڕی "كەسیۆس"ی ئەمەریكی لە زاری بەرپرسانی ئیسرائیلەوە، بنامین نەتەنیاهۆ، سەرۆكی حكوومەتی ئیسرائیل، داوای لە ئاژانسی هەواڵگریی وڵاتەكەی كردووە، چاودێری بكەن بزانن چ وڵاتێك هاووڵاتیی غەزە وەردەگرێت بۆ ئەوەی ئاگایان لێ بێت، ئەمەش داوایەكی نهێنی بووە كە پێش چەند هەفتەیەك لە كۆبوونەوەیەكدا پێی گوتوون.
دوو بەرپرسی باڵای ئەمەریكی بۆ ئەو ماڵپەڕە ئاشكرایان كردووە كە گفتوگۆ لەگەڵ سۆماڵ و باشووری سوودان و ئیندونیسیان و چەند وڵاتێكی تر كراوە، بۆ ئەوەی هاووڵاتییانی غەزەیان بۆ بنێرن، مۆسادیش چاودێریی ئەوە دەكات.
ئەوەش ئاشكرا بووە، ترەمپ خۆی ڕاستەوخۆ بەشداری لەم هەڵمەتەدا ناكات و لە پلانەكەدا خاو بووەتەوە و لەجێی خۆی ستیڤ ویتكۆف، نێردەی ئەمەریكا بۆ ڕۆژهەڵاتی ناوەڕاست چاودێریی كارەكان دەكات.