دۆناڵد ترەمپ سەرۆكی ئەمەریكا لە نوێترین چاوپێكەوتنی رای دەگەیەنێت، ئەگەر ئێران لەگەڵمان رێكنەكەوێت ئەوا هێرشی دەكەینە سەر.
ئەمڕۆ یەكشەم 30ـی ئادار، دۆناڵد ترەمپ سەرۆكی ئەمەریكا، لە نوێترین چاوپێكەوتنی تەلەفزیۆنی رای گەیاند، ئەگەر ئێران لەگەڵ ئەمەریكا لە بارەی بەرنامە ئەتۆمییەكەی ڕێك نەكەوێت و ئامانجێكی لەم شێوەیە ڕەت بكاتەوە، هێرشی دەكەینە سەر و مووشەكبارانی دەكەین كە هاوشێوەی نەبووبێت.
زیاتر گوتی، جگە لە هێرشی سەربازی، سزای ئابووری قوڕسی بەسەردا دەسەپێنین.
باسی لەوەش كرد، ئێستە بەرپرسانی ئەمەریكی و ئێرانی گفتوگۆ دەكەن.
لە وەڵامی نامەكەی ترەمپ كۆتایی هەفتەی رابردوو بەرپرسێكی ئێران رای گەیاند، هیچ جیاكارییەك لە كردنە ئامانجی هێزەكانی بەریتانیا یان ئەمەریكا نابێت، ئەگەر لە هەر بنكەیەكی ناوچەكە هێرش بكرێتە سەر ئێران.
ئاماژەی بەوەش كردووە، هەر كاتێك ئەمەریكا هەر بنكەیەكی بەكارهێنا ئەو كاتە كاتی دێت و گرنگ نییە سەربازی ئەمەریكی، بەریتانی، یان توركیا بێت، دەكرێتە ئامانجی ئێمە.