سەرچاوەیەكی سیاسی لە كەركووك ئاشكرای كرد كە حەسەن تۆران سەرۆكی بەرەی توركمانی بە نیازە دەست لە پۆستەكەی بكێشێتەوە، كەسێك شوێنی دەگرێتەوە و بۆ باسكردنی گۆڕانكارییەكانیش شاندێكی بەرەی توركمانی سەردانی توركیا دەكات، بۆ هەڵبژاردنی داهاتووش ئەرشەد ساڵحی سەرۆكی پێشووی بەرەی توركمانی دەبێتە سەرۆك لیست.
سەرچاوەكە ئاشكرای كرد، حەسەن تۆران سەرۆكی بەرەی توركمانی دەست لەكار دەكێشێتەوە و كەسێكی تر شوێنی دەگرێتەوە، ئەو كەسە لە نێوان محەمەد سەمعان و ئەندامێكی تری بەرەی توركمانی دیاری دەكرێت.
هەر بەپێی سەرچاوەكە شاندێكی بەرەی توركمانی سەردانی توركیا دەكات بۆ گفتوگۆكردن لەبارەی ئەو گۆڕانكارییانەی ناو بەرەی توركمانی، لە لایەكی تر بڕیارە ئەرشەد ساڵحی، سەرۆكی پێشووی بەرەی توركمانی و ئەندامی لیژنەی مافی مرۆڤ لە پەرلەمانی عێراق ببێتە سەرۆكی لیستی بەرەی توركمانی بۆ هەڵبژاردنی داهاتووی پەرلەمانی عێراق كە بڕیارە لە كۆتایی ئەمساڵ بێتە سازكردن، ئەو بابەتەش لە دوای یەكلابوونەوەی گۆڕانكارییەكانی ناو بەرەی توركمانی دەستی پێ دەكرێت.