دامەزراوەی پەی بۆ پەروەردە و گەشەپێدان، راپۆرتێكی بڵاو كردەوە و رای گەیاند، پەرلەمانتارانی كوردستان تا ئێستە هیچ دەوامێكیان نەكردووە، بەڵام دوو ملیار دیناریان وەك مووچە وەرگرتووە.
ئەمڕۆ پێنجشەم 27ـی ئادار، دامەزراوەی پەی بۆ پەروەردە و گەشەپێدان، راپۆرتێكی لەسەر خولی شەشەمی پەرلەمانی كوردستان بڵاو كردەوە، پەرلەمانتارانی كوردستان بەبێ ئەوەی هیچ كۆبوونەوەیەك بكەن، زیاتر لە دوو ملیار و 240 ملیۆن دیناریان وەك مووچە وەرگرتووە.
ئاماژە بەوەش كراوە، هەر پەرلەمانتارێكی خولی نوێ، 23 ملیۆن و 100 هەزار دیناری وەك مووچە وەرگرتووە.
لە راپۆرتەكەدا هاتووە، پەرلەمانتارانی نوێ لە رۆژی سوێندخواردنیانەوە هەریەكە و سێ پاسەوانیان بۆ دەستنیشان كراوە، خانوو و شوقەی نیشتەجێبوونیان بۆ دابین كراوە.
روون كراوەتەوە، بەشێك لەو هێزانەی بە ئۆپۆزسیۆن ناسراون، هەندێكیان لاوازن، هەندێكی تریان چاویان لە دەستكەوتە، هەندێكی تریشیان یارییەكی قێزەون دەكەن لە نێوان دوو هێزە سەرەكییەكەدا.