پەیامی جەژنە پیرۆزەی مەسروور بارزانی

:: PM:07:11:29/03/2025 ‌
مەسروور بارزانی سەرۆك وەزیرانی كوردستان بەبۆنەی جەژنی رەمەزان، پیرۆزباییەكی ئاراستەی موسڵمانان كرد. 

دەقی پەیامی پیرۆزبایی سەرۆكی حكومەتی هەرێمی كوردستان بەبۆنەی جەژنی رەمەزان:

بەبۆنەی هاتنی جەژنی پیرۆزی ڕەمەزان، گەرمترین پیرۆزبایی لە گشت موسڵمانانی كوردستان و عێراق و جیهان دەكەم، بە تایبەتی پیرۆزبایی لە پێشمەرگە قارەمانەكان و هێزەكانی ئاسایشی ناوخۆ و كەسوكاری سەربەرزی شەهیدان و ئەنفالكراوان دەكەم. ئومێدەوارم پشووی جەژن، لە خۆشی و شادی و ئارامیدا بەسەر ببەن.

لە خوای مەزن نزاكارین كە ڕۆژوو و خواپەرستیی هەمووان قبوڵ بكات و هیوادارین بنەماكانی تەبایی و بەیەكەوەژیانی ئاشتییانە و برایەتی لەنێوان پێكهاتەكانی گەلەكەمان و گەلانی جیهاندا بەهێزتر ببێت و زیاتر گەشە بكات.

جەژنتان پیرۆز بێت و هەمیشە لە ئاشتی و تەناهی و تەندروستیدا بژین.

مەسرور بارزانی
سەرۆكی حكومەتی هەرێمی كوردستان
2025/3/29


وشە - سه‌رخێڵ هاشم