سەرۆك بارزانی بەبۆنەی جەژنی رەمەزانەوە، پەیامێكی ئاراستەی موسڵمانان كرد و رای گەیاند، پیرۆزبایی جەژنی ڕەمەزان لە خانەوادەی سەربەرزی شەهیدان، پێشمەرگە قارەمانەكان و سەرجەم هاووڵاتییانی كوردستان دەكەم.
دەقی پەیامی سەرۆك بارزانی بەبۆنەی جەژنی ڕەمەزانی پیرۆز:
بەناوی خودای بەخشندە و میهرەبان
بەبۆنەی هاتنەوەی جەژنی ڕەمەزانی پیرۆزەوە گەرمترین پیرۆزبایی ئاراستەی موسڵمانانی جیهان و عێراق و كوردستان دەكەم. پیرۆزبایی جەژنی ڕەمەزان لە خانەوادەی سەربەرزی شەهیدان و پێشمەرگە قارەمانەكان و سەرجەم هاووڵاتییانی كوردستان دەكەم.
لەو بۆنە پیرۆزەدا هیوای خۆشی و ئارامی بۆ خەڵكی خۆشەویستی كوردستان دەخوازم و، لە خودای گەورە داواكارم ڕۆژوو و عیبادەتی هەموو موسڵمانان قبووڵ بكات و ئەو جەژنە ئاشتی و خێر و ئارامی بۆ گشت مرۆڤایەتی بەدی بهێنێت.
مسعود بارزانی
29ـی ڕەمەزانی 1446ـی كۆچی
29ی ئاداری 2025ی زایینی