تەندروستیی كەركووك رای گەیاند، لە ماوەی 24 سەعاتی رابردوودا 119 كەس بەهۆی كاریگەریی خۆڵبارینەوە، رەوانەی بەشەكانی فریاكەوتن كراون.
لە كەركووك بەگوێرەی پلانێكی پێشوەختەی داڕێژراو، نەخۆشخانەكانی بەڕێوەبەرایەتیی تەندروستیی كەركووك و بنكە فریاگوزارییەكان رێكاریان گرتووەتەبەر، بەڵام رێژەی خۆڵبارینەكە وایكرد ژمارەیەكی زۆر خەڵك روو لە نەخۆشخانەكانی شارەكە بكەن.
بەپێی ئەو ئامارەی فەرمانگەی تەندروستیی كەركووك بڵاوی كردووەتەوە، لە نەخۆشخانەی كەركووكی فێركاری 36 كەس، لە نەخۆشخانەی ئازادیی كەركووك 23 كەس داخل كراون، هەروەها لە شارۆچكەی داقووقیش 60 كەس بەهۆی هەناسەتەنگی داخلی نەخۆشخانە كراون، كۆی گشتیی نەخۆشەكان دەكاتە 119 كەس.