كاركردن لە پڕۆژەی دووسایدی هەولێر- كۆیە، كارەكانی بەردەوامە و ئێستە پڕۆژەكە خێراتر كراوە و كاركردن چووەتە قۆناغی چوارەم.
بە بڕیاری مەسروور بارزانی سەرۆك وەزیرانی كوردستان، بە گوژمەی زیاتر لە 560 ملیار دینار، كاركردن لە پڕۆژەی دوو سایدی هەولێر – كۆیە دەستی پێ كردووە و ڕۆژانە زیاتر لە 100 ئامێری شۆفڵ و گرێدەر و قەلابە و جۆرەها ئامێری تر و ستافی ئەندازیار، هەشت بۆ 10 سەعات كار لەو پڕۆژەیە دەكرێت.
پارێزگای هەولێر بڵاوی كردووەتەوە، ئێستە قۆناغی یەكەم و دووەم و سێیەمی جێبەجێ كراوە و لە قۆناغی چوارەمدایە.
ڕێگەكە 37 كیلۆمەترە و 32 مەتر پان دەبێت، پردێكی بە درێژیی 250 مەتر لەسەری دروست دەكرێت، هەروەها پێنج ئۆڤەرپاسیشی تێدا دەبێت.
بەتەواوبوونی دەبێتە ڕێگەیەكی ستراتیجی و ئاسانكارییەكی زۆر پێشكەش بە هاتوچۆی هاووڵاتییان لە نێوان هەولێر -كۆیە دەكات.