سكرتێری پارتی سۆسیالیست دیموكراتی كوردستان رای گەیاند، لەم مانگی چوارەدا حكوومەتی نوێی كوردستان "ئیشەڵا" پێكدەهێنرێ.
ئەمڕۆ پێنجشەم، سێی نیسانی 2025، محەمەد حاجی مەحموود سكرتێری پارتی سۆسیالیست دیموكراتی كوردستان، بە "وشە"ی گوت، بارودۆخی ناوچەكە وا دەخوازێت كابینەی نوێی حكوومەتی هەرێمی كوردستان بە خێرایی پێكبهێنرێ.
ڕوونیشی كردەوە، بە ئەگەرێكی زۆرەوە "ئیشەڵا" لەم مانگی چوارەدا حكوومەتی نوێ پێكدەهێنرێ.
لەبارەی بەشداریی ئەوان لە حكوومەتی داهاتوو گوتی، تا ئێستە بڕیار نەدراوە، چونكە لیژنەی دانوستانكار سەردانیان دەكەن و ئەوكاتە بڕیار دەدەن.
هەر ئەمڕۆ دەرباز كۆسرەت رەسووڵ رای گەیاند، دیدگەی هاوبەشیان لەگەڵ پارتی زۆرە و رەشنووسەكەیش ئامادەیە، لە كۆبوونەوەكانی داهاتوودا پۆستەكانی نێوانیان دابەش دەكەن.