بەڕێوەبەرایەتی پاسپۆرتی سلێمانی هاووڵاتییان لەبارەی مامەڵەكانیان لە بەڕێوەبەرایەتییەكە ئاگەدار دەكاتەوە.
بەڕێوەبەرایەتییەكە نووسیویەتی، بۆ سەرەگرتن و پێدانی پاسپۆرتی ئەلەكترۆنی نرخی تێچووی پاسپۆرت 91 هەزار دینارە ئەگەر سەرەی پاسپۆرتی ئەلیكترۆنی ھەبێت.
هەروەها ئاماژە بۆ ئەوە كراوە كە ئەگەر سەرەی ئەلیكترۆنی نەبێت پێویستە 100 هەزار دینار رسوومات زیادەبدەن لەگەڵ 91 هەزار دینار تێچووی پاسپۆرتەكە كە كۆی گشتی 191 هەزار دینار دەكات.
باس لەوەیش كراوە كە بە گوێرەی كاتی دیاری كراوی خۆتان كە بە نامەی ئەلیكترۆنی بۆتان دیاریكراوە سەردان بكەن. واتە سەعات و بەرواری سەرەگرتنی ئەلكترۆنییەكەت لە چ كات و بەروارێكدا بوو ئەوا لەو كاتەدا سەردان بكەن.
دووپات كراوەتەوە كە تەنیا كار بە كارتی نیشتیمانی ڕەسەن دەكرێت و سایتی وەرگرتنی سەرەی پاسپۆرت بریتی یە لە
www.epp.iq