نرخی زێڕ گەیشتە بەرزترین نرخ و بەهای خۆی لە مێژوودا، ئەمەیش دوای ئەو ترس و دڵەراوكێیانەی جیهان دێ لە فرەوانبوونی جەنگی بازرگانیدا، بە تایبەت لەو كاتەی كە دۆناڵد ترەمپ سەرۆكی ئەمەریكا لە ئێستا هەستاوە بە سەپاندنی رسوماتی گومرگی زیادە لەسەر تەواوی ئۆتۆمبێلی هاوردە.
ئەمڕۆ هەینی 28ی ئادار، نرخی زێڕ % 0.7 بەرزبووەوە، بەجۆرێك نرخی ئۆنسەیەك زێڕ گەیشتە سێ هەزار و 77دۆلار، كە ئەمەیش بە شكانی تۆماری پێوانەیی بۆ زێڕ هەژمار دەكرێت و پێشتر لە مێژووی خۆیدا ئەم كانزایە نەگەیشتووەتە ئەم نرخە.
ئەم بەرزبوونەوەیە دوای ئەوە دێت كە دوێنێ پێنجشەم ترەمپ واژووی لەسەر سەپاندنی هاوردەی ئۆتۆمبێل كرد و %25ی رسووماتە گومرگییەكانی لەسەر زیاد كرد، هاوكات هەڕەشەی لە هەر یەك لە یەكێتی ئەوروپا و كەنەدا كرد كە سزاكانیان توند بكات ئەگەر بێت و هاریكار بن بۆ زیانگەیاندن بە ئابووریی ئەوروپا.