وەکو بەرهەڤی بۆ وەرگرتنا گەنمێ جوتیاران، رێڤەبەریا گشتی یا چاندنێ ل پارێزگەها دهۆکێ ل گەل ئالیێن شولەژێ ل موسل و دهۆکێ کومبو، باس ل پروسا وەرگرتنا گەنمێ جوتیاران هاتەکرن ل بەردەڕەش و شێخان.
ماجد سەید سادق، جێگرێ پارێزگارێ دهوکێ دداخوانیەکا روژنامەڤانی دا دیارکر کو ئەڤرۆ ب بەرهەڤبونا جێگرێ پارێزگارێ موسل و چه‌ند سازیێن په‌یوه‌ندیدار ل دیوانا ده‌ڤه‌رداریا شێخان كومبونه‌كا هه‌ڤبه‌ش دناڤبه‌را شاندێ ئیدارا پارێزگه‌ها دهوكێ و ئیدارا پارێزگه‌ها موسل لدور ده‌ستپێكرن و چه‌وانیا پروسا دروین و وه‌رگرتنا گه‌نمێ جوتیاران ل ده‌ڤه‌رداریێن شێخان و به‌رده‌ره‌ش و ناوچه‌داریا ئه‌لقوش و ناوچه‌داریێن جودا هاته کرن.
جێگرێ پارێزگرێ دهوكێ زێدەتر گوت، رۆژا ئێكشه‌مبی ده‌رگه‌هێ سایلویا ڕوڤیا دێ هێته ڤه‌كرن و هه‌می سازیێن هه‌ردوو ئیدارا یێن په‌یوه‌ندیدار هاتینه راسپاردن لدوڤ رێنمایێن سالانه ب باشترین شێوه خزمه‌تا پروسا وه‌رگرتنا گه‌نمێ جوتیاران بكه‌ن هه‌روه‌سان ئاماده‌كاری دهێنه‌كرن بو ڤه‌كرنا ده‌رگه‌هێن سایلویێن دی یێن ده‌ڤه‌رێ و پشته‌ڤانیا ئیدارا پارێزگه‌هێ دهوكێ بو جوتیاران دووپات دکەین.
ئەڤ سالە ژبەر کێمبونا بارانان، گەنم ب رەنگەکێ بەرچاڤ کێمترە ل هەمبەر سالێن بۆری، زێدەباری سایلویا روڤیا و شێخان و بەردەڕە، هەڤدەم چەند سایلویێن دن ژی ل پارێزگەها دهۆکێ و ئیدار زاخۆ ژی هەنە بۆ وەرگرتنا گەنمی.