ب مەرەما ریکخستنا بیرەوەری و بونەیێن ئاینی و نەتەوەیی ل دەڤەرا شێخان، ب پشتەڤانیا مەسروور بارزانی سێ هول هاتنە ڤەکرن.
کاروان باعەدری، بەرپرسێ راگەهاندنێ ل دەستەیا بلنند یا بنگەهێ لالش یێ رەوشەنبیری و جڤاکی بۆ "وشە گۆت، ب پشته‌ڤانى یا مه‌سروور بارزانى، سه‌رۆكێ حكومه‌تا هه‌رێما كوردستانێ دا، سێ هولێن بیرەوەریان ل شێخان هاتنە ڤەکرن پشتی کو کارێ نووژەنکرنێ هاتبوویە ئەنجام دان بۆ وان هوڵان. د ڕێ و رەسمەکێ دا، ب ئامادەبوونا هژمارەیەکا بەرچاڤ یا کەسایەتیێن ئاینی و کۆمەلایەتی و حکومی و حزبی، هەر سێ هۆڵ هاتنە ڤه‌كرن و کەفتنە د خزمەتا پێکهاتەیێن جودا یێن دەڤەرێ دا.
زێدەتر گوت، مەرەم ژ ڤەکرنا ڤان هولان پتر بۆ رێکخستنا بونەیێن ئاینی و نەتەوەی و جڤاکی یە ل دەڤەرێ، سپاسیا سەرۆکوەزیران دکەین بو گرنگیدان ب دەڤەرێن ئێزدیان.
ژبلی ئێزدیان هەڤدەم ئەڤ هولە دێ خزمەتا پێکهاتەیێن دن ژی یێن شێخان کەت، وەکو موسلمان و کریستیان.
شێخان دکەڤیتە روژهەلاتێ دهوکێ و پتری 200 هزار کەس تێدا دژین، ئێزدی و موسلمان وکریستیان، کورد و عەرەب تێدا دژین.