ب مەرەما پشتەڤانیکرنا جوتیاران و گرنگیدان ب کەرتێ چاندنێ، حکۆمەتا هەرێما کوردستانێ هەموو ئاسانکاریان بۆ جوتیاران دکەت کو بەرهەمێن خ فرێکەن دەرڤە یان عیراقێ، د نوکە دا رۆژانە پتری دوو هزار تەنێن بەرهەمێ دهۆکێ دگەهیتە ناڤەراست و ژێریا عیراقێ.
ئەحمەد جەمیل، رێڤەبەرێ گشتی یێ چاندنێ ل پارێزگەها دهوکێ بۆ "وشە" گوت، د هەیڤا بوری دا 64 هزار و 127 تەنێن بەرهەمێ خومالی یێ پارێزگەها دهوکێ بۆ ناڤەراست و ژێریا عێراقێ هاتینە هنارتن، پروسە ژی یا بەردەوامە، بەرهەم ژی پێکدهێن ژ پتات، تەماتە، خیار، فلفل، شتی، خۆخ، باجانرەش، گندور و مژمژە و چەند بەرهەمێن دی.
زێدەتر گوت، پارێزگەها دهۆکێ یا ناڤدارە بەرهەمێ نافخۆ، سالانە رێژەکا زور یا كەسكاتی و فێقی لێ دهێتە بەرهەمئینان،ب مەرەما پەیداکرنا بازار و بەرهەمێ جوتیاران، کابینا نەهێ یا حکۆمەتا هەرێما کوردستانێ ئاسانکاریێن باش کرینە ب تایبەتی دەیداکرنا بازاری و هناردەکرنا بەرهەمێن جوتیاران بۆ دەرڤە یان پارێزگەهێن دی یێن عیراقێ.
و د ئەڤ سالە دا ژی دا نێزیکێ 90 هزار تەنێن بەرهەمێ خومالی یێ پارێزگەها دهوکێ بۆ ناڤەراست و ژێریا عێراقێ هاتینە هنارتن، ئەو بەرهەمێن سەرەكی یێن پارێزگەها دهۆکێ بۆ باژێرێن عیراقێ دهێنە هنارتن ژی جۆراوجورن.
زورترین بەرهەمێ چاندنێ ل پارێزگەها دهۆکێ دکەڤیتە سنورێ قەزایێن ئاکرێ، بەردەڕەش، شێخان و سێمێل، ژبەر هەبونا دەشتێن مەزن یێن وەکو دەشتا نافکورێ و دەشتا سلێڤانەیا.