هانی موجتەهید گۆرانیبێژی دیاری كوردستان لەگەڵ سیامەندی كوڕی دەركەوتن و رای گەیاند، بەمزووانە پێكەوە كارێكی هونەری ئەنجام دەدەن.
هانی لە تۆڕی كۆمەڵایەتیی ئینستاگرام، تازەترین وێنەی خۆی و سیامەندی كوڕی بڵاو كردەوە و لە پۆستێكیشیدا دەڵێت: ماوەیەكە لەگەڵ سیامەند كار لەسەر پڕۆژەیەك دەكەین كە بریتییە لە ئەلبوومێك و زنجیرە كۆنسێرتێك، بە شانازییەوە هەوڵ دەدەین كوالێتییەكی بەرز و شایستەی موزیك و كولتووری كوردی پێشكەش بكەین.
هانی لە ساڵی 1980 لە سنەی ڕۆژهەڵاتی كوردستان لە دایك بووە، لە قۆناغی سەرەتاییەوە هەر لەو شارە خوێندوویەتی تا گەورە بووە، لە ساڵی 2000ەوە دەستی بە گۆرانیگوتن كردووە، هەر لە ساڵی 2004 چووە بۆ ئەڵمانیا و لەوێ نیشتەجێ بووە، خاوەنی دوو ئەلبوومی گۆرانییە بەناوەكانی "ساندرێلا و دایك"، هەروەها بەشداریی لە چەندان فێستیڤاڵی جیهانی كردووە و چەندان كۆنسێرتی لە ناوەوە و دەرەوەی كوردستان ئەنجام داوە.