لە هێرشێكی چەكداریدا لە پارێزگای میسان، شێخ خالید جەعۆ ساعدی یەكێك لە كەسایەتییە دیارەكانی هۆزی ساعدی، كوژرا و هاوەڵێكی بە سەختی بریندار بوو.
هێرشەكە لە ڕێگەی كەسانی نەناسراو بە بەكارهێنانی ماتۆڕسكیل، شەوی ڕابردوو لە نزیك نەخۆشخانەی حەكیم لە ناوچەی ماجدییە لە ناوەڕاستی شارەكە، ئەنجام دراوە.
باس لەوە دەكرێ، ئەو هێرشە بە هۆی بوونی ناكۆكی و تۆڵەكردنەوە ڕووی داوە.
تا ئێستە دەزگا تەناهییەكان هیچیان لەبارەی كوشتنی ئەو كەسایەتییەوە نەگوتووە، بەڵام كێشەی عەشایەری و كۆمەڵایەتی لە پارێزگاكانی عێراق وایكردووە، رۆژانە هێرش و پەلامار بڵاو بكرێتەوە.
عەشیرەتەكان سەرجەمیان لە عێراق سنووری جیۆگرافیی خۆیان هەیە و چەك و جبەخانەیەكی زۆریان لە بەردەستدایە، ئەمەش وایكردووە پێكدادانی چەكداری بەردەوام بێـت و رێژەی كوشتن بەكێشەی كۆمەڵایەتی زۆر بێت.