بەپێی توێژینەوەیەكی نوێ، گۆڕینی سیستەمی خۆراكی بۆ سیستەمێكی ڕووەكیی بێ گۆش، سوودی زۆری هەیە كە زۆر كەسی هان داوە ئەو ڕێگەیە بگرنە بەر.
وێڕای ئەوەی توێژینەوەكان پشتیوانیی سیستەمی خۆراكیی پشتبەستوو بە ڕووەك دەكەن، بەڵام پسپۆڕان ئاماژە بۆ ئەوە دەكەن كە گۆڕان بەرەو ڕووەكیبوون، هەرگیز مەرج نییە بۆ ئەوەی ببیتە خاوەنی جەستەیەكی تەندروست.
ئەنجوومەنی دڵی ئەمەریكی و سەنتەرەكانی تری توێژینەوە لەسەر نەخۆشییەكانی دڵ، بە پێویستی دەزانن كە خۆراكی سەرەكیی مرۆڤ ڕووەكی بێت، بەڵام هانی وازهێنانی ئێكجاری لە گۆشت نادەن، بەڵكوو داوا دەكەن كەم بكرێتەوە و تەنیا بەپێی پێویست بخورێت.
لەگەڵ ئەوەشدا، توێژینەوەیەكی نوێ دەری دەخات، كەمكردنەوەی خواردنی گۆشت یان هەر وازهێنانی بە یەكجاری، ئەگەری تووشبوون بە نەخۆشییە درێژخایەنەكانی وەكوو دڵ، جەڵتەی مێشك، قەڵەوی، پەستانی خوێ، شەكرە لە جۆری دوو و هەندێك جۆری شێرپەنجە كەم دەكەنەوە.