توێژینەوەیەك بە سەرپەرشتیی توێژەرانی زانكۆی هارڤارد، ئەو شێوازە خۆراكییانەی ئاشكرا كردووە كە بەشدارن لە باشتركردنی تەندروستی، بەشێوەیەك ئەگەر بەو شێوازە خواردن بخورێت، 70 ساڵ بێ نەخۆشی دەژیت.
كۆمەڵێك توێژەری زانكۆی هارڤارد دوای 30 ساڵ توێژینەوەی ورد، بۆیان دەركەوت بەم شێوە ژیانە و خواردنانە، دەكرێت مرۆڤ بۆ ماوەی 70 ساڵ بێ نەخۆشی بە باشترین شێوە بژی.
بەگوێرەی ماڵپەڕی" Science Alert"، توێژینەوەكە شیكاریی بۆ خووی خواردنی یەك ملیۆن و 515 كەس كردووە لە ماوەی 30 ساڵدا، بە پشتبەستن بە هەشت ڕێنوێنیی بۆ خواردنی تەندروست، پاشان هەڵسەنگاندن و بەدواداچوونیان بۆ تەندروستییان كردووە تا تەمەنی 70 ساڵی.
ئەنجامەكان دەریانخستووە پێڕەوكردنی ئەم ڕێجیمە، زۆرترین سوودی هەبووە و كاریگەریی ئەرێنیی لەسەریان دروست بووە.
ئەم ڕێجیمە لەسەر بنەمای میوە، سەوزە، دانەوێڵەی تەواو، گوێز، سنگی مریشك و چەوریی تەندروستە، لە هەمان كاتدا گۆشتی سوور، خواردنە لە قوتوونراوەكان، شەكر و خوێی زیادە سنووردار بكرێن.
توێژەران بۆیان دەركەوتووە كە پێڕەوكردنی خۆراكی تەندروست، ئەگەری تەمەندرێژیی بێ نەخۆشی بەشێوەیەكی بەرچاو زیاد دەكات، ئەو كەسانەی كە زۆرترین پابەند بوون بە ڕێجیمەكە، ئەگەری تەندروستبوونیان بە ڕێژەی ٨٦% زیاترە لە تەمەنی 70 ساڵیدا بە بەراورد بەوانەی كەمترین ئاستی پابەندبوونیان هەبووە.