جورە کولیەکێ ڕەش ب سەر زەری ڤە ل دەڤەرا دینارتە ب تایبەتی چیایێ پیرس بەردایە دەرامەتێ وەلاتیان و زیان ب چاندن و رەز و بیستانێن وەلاتیان گەهاندیە.
بەختیار زێباری، وەلاتییەکێ دەڤەرا دینارتێ یە دیارکر کو هەر سال ل دوماهیا وەرزێ بهارێ جورە کولیەک ل دەڤەرێ دەدکەڤیت و گوت، ئەڤ جورە کولیە، کولیەکێ وەرزی یە و رەنگێ وی رەشە سەر ب زەری ڤە دچیت، کولیەکێ تا رادەییەک مەزنە و هات و چون و لڤینەکا زێدە دکەت، ئەڤ یەک دبیتە ئەگەر کو بچتە دناڤ رەز و بیستانێن وەلاتیان و بەلگین دەرامەت و چاندنێ بخوت، بڤێ یەکێ زیان هەنە.
زێدەتر گوت، هەر چەندە پشتی دبیتە گەرم کولی ژی نامینیت، بەلێ هەتا دبیتە وەرزێ گەرمێ کاتێکرن ل دەرامەتی دکەت، باشترین کار ئەوە کو ئەگەر جوتیار و رەزڤانان هەستکر کو دەرامەتێ وان دێ کارتێکرن هەبیت، باشترە کو ب رەشین.
چیایێ پیرس ئێک ژ وان دەڤەر و جهاییە کو زورترین رێژا ئەڤ جورێ کولی دهێنە دیتن، ب رەنگەکێ کو ل سەر جاددا پیرس هزاران کولی دهێنە دیتن و ژلایێ ترومبێلا دهێنە کوشتن ب تایبەتی سپێدە و ئێڤاران.