لژنا گەشەپێدان و پشتگریا پرۆژێن پیشەسازی ل پارێزگەها دهۆکێ و زاخۆ، ئەرد بۆ کارگەهێن نوو تەرخانکر، بو هندێ دەلیڤێن کاری بو خەلکی بهێنە دابینکرن.
ملەت عسمەت، سکرتێرێ رۆژنامەڤانیێ پارێزگارێ دهۆکێ دیارکر کو پارێزگارێ دهۆکێ ل گەل لژنا گەشەپێدان و پشتگریا پیشەسازی ل پارێزگەها دهۆکێ کۆمبوو، گۆت، پشتی دانوستاندن لدۆر پرۆژێن کارگەهێن هاتینە پێشکێشکرن و هەلسەنگاندن بۆ هاتیەکرن لژنا ناڤبری رەزامەندی بۆ درۆستکرنا 10 کارگەهان دبیاڤێن چێکرنا دەرگەهـ و پەنجەرێن پلاستیکی، بەرفرەهکرنا کارگەهەکا ئینانا بوریێن کونکریتی و بلوکێن ئاسایی، کلینسێن تەر، بەرهەمێن سپیاتیان، داگرتنا بوتلێن غازا شل، بەرهەمئینانا تەحینا کونجیان، دورینا جلوبەرگان، درۆستکرنا پارچێن تابلویێن ئاسنی و دیکورێن فلینی.
زێدەتر گوت، ب ڤەکرنا ڤان کارگەهان سەرەرای زێدەکرنا بەرهەمێ نافخۆی دەلیڤەیا کاری بۆ 193 کەسان دبیاڤێن جودا جودا دێ پەیداکەت.
ژلایەکێ دنڤە، شڤان عەبدی، بەرپرسێ راگەهانوونێ یا ئیدارا سەربخوەیی یا زاخۆ دیارکر کو لیژنا گەشەپێدان و پشتگیریکرنا پرۆژێن پیشەسازی و دەڤەرا پیشەسازی ل زاخۆ، کۆمبوو، گوت، گوهدار شێخۆ سەرپەرشتێ ئیدارا سەربەخۆ یا زاخۆ، ل گەل هەر ئێک ژ ڕێڤەبەرێن پەیوەندیدار دا و لیژنا گەشەپێدان و پشتگیریکرنا پرۆژێن پیشەسازی و دەڤەرا پیشەسازی ل زاخۆ کۆمبوو، گوت، د کۆمبوونێدا دیارکرن، کو کابینا نەهێ، ب سەرۆکایەتییا مەسروور بارزانی، سەرۆکێ حکومەتا هەرێما کوردستانێ، کو ئێک ژ کارنامەیا حکومەتێ ئەو بوویە، گرنگییەکا ئێکجار مەزن دایە دبوارێ وەبەرهێنانێ دا,ژ بۆ پەیداکرنا دەلیڤێن کاری.
زێدەتر گوت، هەر د کۆمبوونێ دا، ئەو بۆ گۆتووبێژ لسەر بابەتێن پرۆژێن گەشەپێدانا پیشەسازی و دەڤەرا پیشەسازی و لدووڤ ماستەر پلانا نوو ل سنوورێ ئیدارا سەربەخۆ یا زاخۆ هاتە کرن، و جهێ وێژی بهێتە دەستنیشانکرن کو ل ئایندەیی ئەڤ پرۆژە بکەڤنە د خزمەتا خەلکێ سنۆرێ ئیدارا سەربەخۆ یا زاخۆ دا. لەورا بریارا رازەمەندییا چەندین کارگەهێن پیشەسازی یێن جورا و جور ژی هاتنە دان .