ب مەرەما خزمەتکرنا کەرتێ پێشەسازی و دابینکرنا دەلیڤێن کاری بو وەلاتیان، ئێک ژ مەزنترین دەڤەرێن پێشەسازی ل عیراق و کوردستانێ ل دهۆکێ دهێتە چێکرن، کو ئەو ژی چێکرنا 275 کومپانیایەک د ئێک جهـ دا.
فەلاح حاج، بەرپرسێ راگەهاندنێ ل رێڤەبەریا گشتی یا وەبەرهێنانێ ل پارێزگەها دهۆکێ بو وشە گوت، دوارێ پڕۆژەیێن ستراتیژی و مەزن دا کو دێ دەلیڤەیێن مەزن بۆ وەبەرهێنانێ ب تایبەتی دەلیڤەیێن کاری پەیدا کەت، ئێک ژ مەزنترین دەڤەرێن پێشەسازی ل عیراق و کوردستانێ، بناڤێ دەڤەرا کانی سپیێ کو دەڤەرەکا تایبەتە ب پێشەسازیا خوارنی ڤە دهێتە چێکرن.
زێدەتر گوت، وەبەرهێنەر دێ شێن وەبەرهێنانێ تێدا بکەن هەر دیسان ب هەمان شێوە دپلان دایە کو دەڤەرەکا دیتر یا پیشەسازیا خوارنێ دناڤبەرا هەرسێ قەزایێن بەردەڕەش و ئاکرێ و شێخان دا بهێتە دروستکرن دا کو بەرهەمی وێ دەڤەرێ وەبگریت، دەڤەرا پیشەسازیا کانی سپیێ دێ گهۆڕینەکا مەزن و بنگەهی دوارێ پیشەسازیا خوارن و کۆگەهکرنا بەرهەمێن خوارنێ و جۆتیاریێ دا دروست کەت.
ل بارا پێکهاتەیا دەڤەرا ناڤبری، کوت، ئەڤ دەڤەرە ل سەر رووبەرێ هزار و 423 دۆنەمێن ئەردی دهێتە ئاڤاکرن و دێ 275 کارگەهێن جودا جودا تێدا هێنە دانان ل گەل 279 کۆگەهێن سارکەر و کۆگەهێن ئاسایی تێدا هێنە چێکرن، دیسان دێ پتری پێنج هزار دەرفەتێن کاری بۆ هاوڵاتیان هێنە دابینکرن، پرۆژە ژلایێ هەردوو کۆمپانیێن Legacy Construction & Innovate Construction دهێتە بجهئینان و سەرمایێ پڕۆژەی پتری 70 ملیار دیناران و خزمەتگوزاریێن دەستپیکی وەک جادە و ئاڤ و کارەبا ب دوماهیک هاتینە.
پرۆژە دکەڤیتە سەر رێیا دهۆک بۆ زاخۆ و هزاران جوتیار ژ خەلکێ دەڤەرێ دشێن مفای ژێوەربگرن.