د حەفت روژێن بوری دا، تیمێن ساخلەمیێ ل سنورێ قەزا دهوکێ شیاینە 39 هزار و 805 زاروکان ڤاکسین بکەن دژی سورکا یێن تێکەل.
د. زیاد عەبدولئەحەد شمعون، رێڤەبەرێ ساخلەمیا ناڤەندا قەزا دهوكێ و سەرپەرشتێ بەرنامێ ڤاكسینێ ل قوتابخانێن سەنتەرێ پارێزگەهێ بۆ "وشە" گوت، ئەڤە بو ماوێ حەفت رۆژاییە ڤاكسیندانا قوتابێین باخچه و قوناغێن سەرەتایی ل سەنتەرێ قەزا ناڤەندی یا دهوكێ یا بەردەوامه، هەتا نوکە مە سەرەدانا نزیكى 115 قوتابخانه و 21 باخچێن زارۆكا كرینه و 19 هزار و 854 كور، ل گەل 19 هزار و 951 كچ تا نوكه هاتینه ڤاكسیندان.
زێدەتر گوت، ئەڤ هەوە دێ یا بەردەوام بیت هەتا رۆژا سێشەمبا بهێت، سوپاسیا كارگێریێن پەروەردێن رۆژهەلات و رۆژئاڤا دکەین کو هاریكار بوون ل گەل مە، داوازێ ل دیبابێن زاروکان دکەین کو دڤان چەند روژێن مایی هاریکاربن بو هندێ زاڕویێن وان ڤەکسینێ وەربگرن، داکو چوو کارتێکرنێن خراپ ل سەر ساخلەمیا وان نەمینن.
ژبلی قەزا دهۆکێ، هەڤدەم هەوێن ڤاکسینێ ل ئیدارا سەربخوەیی یا زاخۆ، قەزا ئاکرێ، قەزا بەردەڕەش، قەزا شێخان و قەزا ئامێدیێ و قەزا سێمێل و دەڤەرێن دن ژی ب رێڤەدچن، ل وان دەڤەران ژی نێزیکێ 60 هزار زارو هاتینە ڤەکسیندان.
سالانە دڤی وەرزی دا، ڤاکسینا ژی سورکا یا تێکەل بو زارویێن پێنج سالی هەتا یێن ژیێ نێزیکێ 16 سالی دهێنەدانان.