بڕیاری لێخۆشبوون لە قەرزی كارەبا درێژ كرایەوە

بەپێی بەشێك لە راگەیەنراوی كۆبوونەوەكە، لە بڕگەی یەکەمی کۆبوونەوەدا، ڕاپۆرتێک لەبارەی ڕەوشی ئێستای خزمەتگوزاریی کارەبا لە هەرێمی کوردستان لە وەرزی هاوین و هەوڵەکانی وەزارەت بۆ باشترکردنی خزمەتگوزارەیی کارەبا لەم وەرزەدا، لەلایەن کەمال محەمەد ساڵح وەزیری کارەبا خرایەڕوو.

زیاتر هاتووە، وەزیری کارەبا ئاماژەی بە پلان و بەرنامەکانی وەزارەتەکەی کرد بۆ زیاترکردنی بڕی کارەبای بەرهەمهێنراو لە کابینەی نۆیەمی حکوومەتدا، ئەمەش لە ئەنجامی چاکسازیکردن لە سێکتەری کارەبا بووە.

بەپێی راگەیەنراوی حكوومەت، وەزیری کارەبا باسی لە هۆکار و ئەگەرەکانی کەمیی کارەبا و زیادبوونی خواست لەسەر کارەبا لە وەرزی هاویندا کرد و ئاماژەی بەوەدا کە خواستی کارەبا لەم مانگەدا چوار هەزار و 800  مێگاواتە بەڵام بەرهەمهێانی کارەبا سێ هەزار و 989 مێگاوات بووە کە دابەشکراوە بەسەر شارەکاندا و بە تێکڕا نزیکەی 13 سەعات کارەبای نیشتیمانی دابینکراوە لەم مانگەدا، لە هەمان کاتدا وەزیری کارەبا هۆکارەکانی کەمیی کارەبای خستەڕوو کە بریتین لە کەمی غازی سروشتیی پێویست بۆ بەگەڕخستنی یەکەکانی بەرهەمهێنانی کارەبا و گەشەی ساڵانەی هاوبەشانی کارەبا و زیادبوونی خواست لەسەر کارەبا.

"ئەنجومەنی وەزیران پێشنیارەکانی وەزارەتی کارەبای ئاراستەی وەزارەت و لایەنە پێوەندارەكان کرد بۆ گرتنەبەری ڕێکاری پێویست". لە راگەیەنراوەكەی حكوومەتی هەرێمدا وا هاتووە.

راگەیەنراوەكە ئاماژەیشی كردووە كە لە تەوەرێکی تردا، ئەنجوومەنی وەزیران پێشنیارێکی وەزیری کارەبای پەسەند کرد لەبارەى بڕیارێکی پێشووی ئەنجوومەنی وەزیران تایبەت بە داشکاندنی ڕێژەی %20ی پارەی کەڵەکەبووی کارەبای هاووڵاتییان و بڕیاردرا تا 31ى تەمووزى 2024 ڕێژەی داشکاندنی سەرەوە بەردەوام بێت.

لە بەشێكی تری كۆبوونەوەكەدا ئەنجوومەنی وەزیران دوایین پرسەكانی پێوەندار بە بابەتی مووچەخۆرانی هەرێمی كوردستان بە گشتی كرد، لێرە كلیك بكە بۆ خوێندنەوەی ناوەڕۆكی كۆبوونەوەكە لەبارەی مووچە.