حكوومه‌ت 200 ملیۆن لیتر نه‌وتی‌ سپیی‌ داوه‌ته‌ هاووڵاتییان

له‌ چوارچێوه‌ی خزمه‌تگوزارییه‌كانی حكوومه‌تی هه‌رێمی كوردستان پڕۆسه‌ی دابه‌شكردنی نه‌وتی سپی به‌ نرخی پاڵپشتیكراو به‌رده‌وامه‌، تا ئێسته‌ له‌ سه‌رجه‌م پارێزگا و ئیداره‌ سه‌ربه‌خۆكان، 199 ملیۆن و 67 هه‌زار لیتر نه‌وتی سپی دابه‌ش كراوه‌. به‌ جۆرێك له‌ پارێزگای هه‌ولێر 67 ملیۆن و 170 هه‌زار لیتر نه‌وتی سپی واتە 81% دابه‌ش كراوه‌، له‌ ئیداره‌ی سه‌ربه‌خۆی سۆران 17 ملیۆن و 407 هه‌زار و 400 لیتر و له‌ سلێمانی بڕی 71 ملیۆن و 473 هه‌زار و 400 لیتر كه‌ ده‌كاته‌ 67% و له‌ هه‌ڵه‌بجه‌ بڕی چوار ملیۆن و 378 هه‌زار لیترنه‌وتی سپی دابه‌ش كراوه‌.

فه‌رمانگه‌ی‌ میدیا و زانیاری‌ بڵاوی‌ كرده‌وه‌، له‌ دهۆك 30 ملیۆن و 742 هه‌زار و 600 لیتر دابه‌ش كراوه‌ و له‌ ئیداره‌ی سه‌ربه‌خۆی زاخۆش بڕی حه‌وت ملیۆن و 895 هه‌زار و 400 لیتر نه‌وتی سپی دابه‌ش كراوه‌.

ئه‌مه‌ له‌ كاتێكدایه‌ تا ئێسته‌ بڕی 230 ملیۆن و 164 هه‌زار و 276 لیتر نه‌وتی سپی دابین كراوه‌ و به‌سه‌ر پارێزگا و ئیداره‌ سه‌ربه‌خۆكان دابه‌ش كراوه‌، پشكی پارێزگای هه‌ولێر و ئیداره‌ی سه‌ربه‌خۆی سۆران له‌و بڕه‌ی كه‌ دابین كراوه‌ 85 ملیۆن و 216 هه‌زار و 953 لیتره‌، پشكی پارێزگاكانی سلێمانی و هه‌ڵه‌بجه‌ 99 ملیۆن و 182 هه‌زار و 322 لیتره‌ و پشكی پارێزگای دهۆك و ئیداره‌ی سه‌ربه‌خۆی زاخۆش 45 ملیۆن و 765 هه‌زار و یه‌ك لیتره‌.

هه‌روه‌ها ئه‌وه‌یش روون كراوه‌ته‌وه‌، له‌ هه‌ولێر 335 هه‌زار و 850 خێزان، له‌ سۆران 87 هه‌زار و 38 خێزان، له‌ سلێمانی 357 هه‌زار و 367 خێزان، له‌ هه‌ڵه‌بجه‌ 21 هه‌زار و 890 خێزان، له‌ دهۆك 153 هه‌زار و 713 خێزان و له‌ زاخۆش 39 هه‌زار و 477 خێزان، نه‌وتی سپییان به‌سه‌ردا دابه‌ش كراوه‌.