مه‌سروور بارزانی‌ پێوه‌ندییه‌كی‌ ته‌له‌فۆنی‌ چاوشئۆغڵۆی‌ پێگه‌یشت

:: PM:02:28:22/11/2020 ‌
 مه‌سروور بارزانی سه‌رۆكی حكوومه‌تی هه‌رێمی كورستان، پێوه‌ندییه‌كی ته‌له‌فۆنی له‌ مه‌ولوود چاوش ئۆغلو وه‌زیری ده‌ره‌وه‌ی توركیا پێ گه‌یشت.

به‌گوێره‌ی‌ راگه‌یه‌نراوێكی‌ نووسینگه‌ی‌ مه‌سروور بارزانی‌ سه‌رۆك وه‌زیرانی‌ كوردستان، وه‌زیری ده‌ره‌وه‌ی توركیا، پرسه‌ و سه‌ره‌خۆشی له‌ سه‌رۆكی حكوومه‌ت كرد بۆ كۆچی دوایی خوالێخۆشبوو د. فرسه‌ت سۆفی پارێزگاری هه‌ولێر و خوالێخۆشبوو شێخ مه‌حموود شێخ عه‌بدوڵا بارزانی كه‌سایه‌تی ناسراوی ده‌ڤه‌ری بارزان و هاوخه‌میی خۆی ده‌ربڕی.

هاوكات سه‌رۆكی حكوومه‌تی هه‌رێمی كوردستان سوپاسی وه‌زیری ده‌ره‌وه‌ی توركیای كرد بۆ پێوه‌ندییه‌كه‌ و هاوخه‌مییان.

هه‌روه‌ها باس له‌وه‌ كراوه‌ كه‌ له‌ ته‌وه‌رێكی تری‌ پێوه‌ندییه‌كه‌دا، گفتوگۆ له‌باره‌ی پێوه‌ندی و هاوئاهه‌نگی‌ هه‌ردوولا كرا بۆ  ڕووبه‌ڕووبوونه‌وه‌ی ڤایرۆسی كۆرۆنا و  ئاڵۆگۆڕكردنی شاره‌زایی ته‌ندروستی له‌و بواره‌دا.




وشە - سه‌رخێڵ هاشم

ئه‌م بابه‌ته 215 جار خوێنراوه‌ته‌وه‌‌