ئهڤرۆ، د.علی تهتهر، پارێزگارێ دهۆكێ كۆمبوونهكا تایبهت دگهل دهڤهردارێن ئامێدیێ و زاخۆ وچهند رێڤهبهرێن فهرمانگههێن میری یێن پهیوهندیدار ئهنجامدا .
دكومبونێ دا بهحسێ سهرهدانا، مسرور بارزانی سهروكێ حكومهتا ههرێما كوردستانێ ئهوا ساڵا دهربازبووی بۆ دهڤهرداریا ئامێدیێ ئهنجامدایی و ژنێزیك هایداری پێدڤی وگرفتێن هاولاتیان بوو نهخاسمه قههرهبوكرنا وان هاولاتیان یێن ئهرد وزهڤیێن وان كهتینه بهر پرۆژێن خزمهتگوزاری و رێكارێن یاسایی ژبو پێك ئینانا لیژنهكا تایبهت بو خهملاندن وقهرهبوكرنا وان زیانڤێكهفتیا ب گشتی هاته كرن.
پارێزگارێ دهۆكێ بریاردا كو لیژنهكا بسپور بهێته پێكئینان ودوڤچونا داخازیێن هاولاتیان بكهت ئهوێن ئهردێ وان كهتیه بهر پرۆژێن خزمهتگوزاری وتهكهزكر كو دڤێت لیژنا ناڤبری ب هوربینی و ل دوڤ رێكار ویاسا یێن حكومهتا ههرێما كوردستانێ ب رهنگهكێ دادپهروهرانه سهرهدهریێ ل گهل بابهتی بكهت وپشتهڤانیا كارگێریا پارێزگههێ نیشان دا بو ههر هاریكاریهكێ.