بو دووڤچونا پرۆژێن حوكمهتا ههرێما كوردستانێ ئهوێن ل سنورێ دهڤهرداریا شێخان دهێنه ئهنجامدان، ئهڤرو ل ژێر چاڤدێریا مسرور بارزانی سهروكێ حوكمهتا ههرێما كوردستانێ و ب ئامادهبوونا وهزیرێ كارهبا حوكمهتا كوردستانێ و پارێزگارێ دهۆكێ، پرۆژێ وێستگهها ڤهگوهاستنا كارهبێ یا 33KV دناڤبهر ناوچهداریێن قهسروك وكهلكچی دا هاتنه ڤەکرن، بریارە ل سالا داهاتی بوریەکا غازێ بۆ کواشێ هێتە راکێشان.
پارێزگارێ دهۆكێ دپهیڤهكێ دا سوپاسیا سهروكێ حوكمهتا ههرێما كوردستانێ و وهزیرێ كارهبێ وههموو لایهنان كر یێن بوینه هاریكار بو بجهئینانا پرۆژهی و گوت: ڤی پرۆژهی گرنگیا خو ههیه بو كونترولكرنا ڤولتیێ ورێكخستن وبهلاڤكرنا كارهبێ، داخوازێ ژ هاولاتیان دکەین کو دهاریكاربن بو كێم مهزاختنا كارهبێ دا برهنگهكێ باشتر مفا ژێ بهێته وهرگرتن.
زێدەتروت، پرۆژه ل ههموو دهڤهرداریا ب یهكسانی دهێنه ئهنجامدان و مزگینیێ ددەین کو ل سالا نوو بهردهوام پرۆژه بهێنه ئهنجامدان.
پاش کەمال محەمەد، وهزیرێ كارهبێ دپهیڤهكێ دا ئاماژه دا رولێ سهروكێ حوكمهتا ههرێمێ و گرنگی یا وی بۆ كهرتێ كارهبێ و گوت، پرۆژێ ئهڤرو هاتیه ڤهكرن پشكهك بوو ژ پرۆژێ چێكرنا وێستگههێن كهلهكچی، قهسروك، بهردهرهش، دارهتوو، فهیدیێ و شاریا، كوژمێ ههموو پرۆژهی هەشت ملیار و 814 ملیون دیناربوون وێستگههێ ئهڤرو هاتیه ڤهكرن كوژمێ وی ملیارهك و 600 ملیون دیناربوون ل سهر بودجا كابینا نههێ یا حوکمهتا ههریمێ هاته چێكرن و پیروزباهیا خهلكێ دهڤهرێ كر.
زێدەترگوت، وهزارهتا كارهبێ ههولدایە کو ل بهارا ساڵا 2023 بورییهكا غازێ بو وێستگهها كواشێ دابینكهن و بهرههمئینانا كارهبێ زێدهكهت.