كۆبوونه‌وه‌ی تره‌مپ و عه‌بادی كۆتایی هات

شاندی عێراقی به‌ سه‌رۆكایه‌تی حەیدەر عەبادی، سەرۆک وەزیرانی عێراق له‌ گه‌ڵ شاندی ئه‌مریكی به‌ سه‌رۆكایه‌تی دۆناڵد ترەمپ، سەرۆکی ئەمریکا لە کۆشکی سپی کۆبوونەوە.

شاندی عێراقی له‌ سه‌عات هه‌شتی ئه‌مشه‌و 20ی ئاداری 2017 به‌ كاتی هه‌ولێر گه‌یشتنه‌ كۆشكی سپی و له‌ لایه‌ن دۆناڵد تره‌مپ، سه‌رۆكی ویلایه‌ته‌ یه‌كگرتووه‌كانی ئه‌مریكا پێشوازی كران.

به‌ پێی به‌یاننامه‌یه‌كی نووسینگه‌ی حه‌یده‌ر عه‌بادی، له‌ كۆبوونه‌وه‌كه‌دا ته‌ئكید له‌سه‌ر هاوكاری كردنی نێوان هێزه‌ ئه‌مریكی و عێراقییه‌كان كراوه‌ته‌وه‌ بۆ شه‌ڕی دژی داعش و رزگاركردنی ته‌واوی مووسڵ.

كۆبوونه‌وه‌كه‌ی سه‌رۆك وه‌زیرانی عێراق و سه‌رۆكی ویلایه‌ته‌ یه‌كگرتووه‌كانی ئه‌مریكا كه‌ له‌ كۆشكی سپی ئه‌نجامدرا دوای 35 خوله‌ك كۆتایی هات.

د. فوئاد حوسێن، سەرۆکی دیوانی سەرۆکایەتیی هەرێمی کوردستان بە نوێنەرایەتی هەرێمی کوردستان یاوەری شاندی سەرۆک وەزیرانی عێراقە.

Image may contain: one or more people and people standing


Image may contain: 1 person, standing and suit


Image may contain: 2 people, people smiling, suit


وشە - عه‌لی سدیق


AM:12:03:21/03/2017




ئه‌م بابه‌ته 799 جار خوێنراوه‌ته‌وه‌‌



زۆرترین خوێنراو‌
بابەتی پێوه‌ندار ‌