لەدوو رووداوی جیاوازدا لە شاری كەركووك ژنێك بەكوژراوی لەماڵەكەیدا دۆزرایەوە و لەشارۆكەی كۆیەش منداڵێك بەهۆی كەوتنە ناو حەوزێكی ماسی دەخنكێت.
ئەمڕۆ چوارشەم بەپێی زانیاریەكانی "وشە" تەرمی ژنێكی تەمەن 35 ساڵان لەماڵەكەی خۆیدا دۆزرایەوە و بەپێی لێكۆڵینەوەكانی پۆلیسی شارەكەش دەركەوتووە كە ژنەكە بەفیشەكی دەمانچە كوژراوە.
هاوكات هەر ئەمڕۆ چوارشەم منداڵێكی تەمەن دوو ساڵان لەگوندی بۆگدی سەر بەشارۆكەی كۆیە كەوتە حەوزێكی ماسی و خنكا.
لەبارەی ئەو رووداوە شۆڕش كاكە بەڕێوەبەری پۆلیسی كۆیە زانیاریەكانی "وشە"ی پشتڕاستكردەوە و رای گەیاند، ئەو منداڵە ناوی (رێناس باسم محەمەد)ەو لە دوای دەرهێنانەوەی تەرمەكەی لەنێو حەوزێكی ماسی رەوانەی پزیشكی دادوەری كراوە و لێكۆڵینەوەش لە رووداوەكە دەستی پێ كردووە.