لێژنەیەك
لەشاری هەولێر پێكهێنراوە بەمەبەستی دەست بەسەر داگرتنی ئەو چەكانەی كە مۆڵەتی نیە
و كەسی چەك هەڵگریش دەدرێت بە دادگا و دەستگیر ئەكرێت .
هۆگر
عەزیز ئەندامی لێژنەكە گووتەبێژی پۆلیسی هەولێر، بە "وشە"ی ڕاگەیاند
" ئەم هەڵمەتە چەند ڕۆژێكە دەستی پێكردوە و چەندین شوێنی گشتی و كافتریا بەسەر
كراونەتەوە و كەسانێكیش دەستگیركراون ".
گووتەبێژی
پۆلیسی هەولێر دەڵێت " لەم هەڵمەتە تا ئێستا چوار چەكمان دەست بەسەر داگرتوە و
چوار كەسیش گیراون و دراونەتە دادگا لەگەڵ چەندین چەقۆ و كەل و پەلی شەڕ كردن وە بەردەوامیش
ئەبین لەم هەڵمەتە ".
هۆگر
عەزیز ئاشكرای دەكات، هەڵمەتەكە كافتریا و مەیخانەكان شوێنە گشتیەكان ئەگرێتەوە هەر
كافتریایەك كەسی خوار 18 ساڵ كار پێبكات دادەخرێت وە شوێنەكانی فرۆشتنی مەی دوای كاتژمێر
10 كرابنەوە دادەخرێن ئەمەش بۆ زیاتر پاراستنی ژیانی خەڵكە .
گووتەبێژەكەی
پۆلیسی هەولێر ڕاشیگەیاند، شاری هەولێر ئارامە و هیچ كێشەی نیە هاووڵاتیان ئەتوانن
بەبێ دڵ تەنگی ژیانی ئاسایی خۆیان بەڕێبكەن و سەرجەم هێزە ئەمنیەكان
بەو پەڕی توانایان هەوڵ دەدەن بۆ پاراستنی سەرو ماڵی هاووڵاتیان .
وشە
/ رامیار جواد