مەلا سالار سەلەفی كە وتارخوێنی مزگەوتی بەهەشت لە چۆمان، حەوتەم كچی مارە كرد و ئێستە لەگەڵ چوار ژنیان دەژی و لە سیانیش جیا بووەتەوە.
ئەم هاوسەرگیرییەی مەلا سالار كە رێگەی داوە خاتوونەكە لەچك نەكات، بەگوتەی دراوسێكانی بۆ ئەوە دەگەڕێتەوە كە مەلا ئەو كچەی بە خۆشەویستی هێناوە و دڵی نایەت قسەی بشكێنێ.
بەڵام وەك پەیامنێری "وشە" ڕای گەیاند، ئەو هەڵمەتی ژنهێنانەی مەلا سالار ترسی لای خەڵكی چۆمان دروست كردووە و نیگەرانن لەوەی پیاوی تر چاوی لێ بكات یان كچی زیاتر حەز بكەن هاوسەرگیریی لەگەڵ بكەن.
ئەوە لە كاتێكدا لە كوردستان بە یاسا فرەژنی قەدەغەیە و دیار نییە ئەم جۆرە خەڵك لە كوێ ژن مارە دەكەن.