بە پێی لێكۆڵینەوەی زانكۆیەكی ئەمەریكی، ئەو كاریگەرییەی شووتی لەسەر باری حەزی سێكسی هەیەتی، ئەوەندە ڕێژەكەی بەرزە بەسەر ڤیاگرایشدا سەر دەكەوێت.
زانكۆی ئەی ئان ئێمی ئەمەریكی لە تەكساس، لێكۆڵینەوەیەكی ئەنجام داوە و تێیدا دەری خستووە كە پێكهاتەكانی شووتی بە جۆریكن، هەمان كاریگەریی ڤیاگرایان هەیە كە پێك دێت لە مادەگەلی لیكۆبین و ئەلبیتاكارۆتین و ئەلسیترۆللین، یارمەتیی دەدات خوێنی زیاتر بچێتە نێو رژێنەكانی ئەندامانی زاوزێ و نێرینەوە، ئەوەیش حەز و ئارەزوو و توانای سێكسی ئاسایی زیاد دەكات. هاوكات بۆ پرۆستاتی پیاوانیش باشە، ئاستی مادە و یەكە زیندووەكانی ئەندامانی زاوزێی پیاوان و ژنانیش زیاد دەكات، چارەسەری بەشێكی نەخۆشییەكانی وەرزی هاوینەیش دەكات.
لێكۆڵینەوەكە كە رۆژنامەی لیبراسیۆنی فڕەنسی بڵاوی كردووەتەوە، ئاماژەی بەوە كردووە كە شووتی پارێڤانترە لە ڤیاگرا، چونكە بێ كاریگەری و دەرهاویشتەی لاوەكی، كاریگەریی ئەرێنی هەیە.
هەروەك توێژینەوەیەكی پزیشكی كە لە سایتی ساینس دەیڵی بڵاو كراوەتەوە، دەریخستووە كە شووتی كاریگەریی لەسەر پیاوان دروست دەكات بۆ سەركەوتن بەسەر لاوازی ڕەپبووندا.