ئەمڕۆ لە سنوری شارەدێكانی قەرەتەپە و سەعدیەی سەربە شارۆكەی خانەقین دووبۆمبی چێنراو تەقینەوە و بەو هۆیەوە دوو ئەفسەر گیانیان لەدەستداو دووی تریش بریندار بوون .
عەلی حەیدەر ئەفسەری هەواڵگری لە پۆلیسی دیالە بە "وشە"ی راگەیاند، دوانیوەڕۆی ئەمڕۆ لە سنووری نێوان شارەدێی سەعدیە و شارەدێی قەرەتەپەی سەر بە شارۆچكەی خانەقین دووبۆمبی چێنراو بە كاروانی هێزەكانی فەرماندەی ئۆپراسێۆنەكانی دیجلەدا تەقیەوە .
زیاتر روونی دەکاتەوە، بەو هۆیەوە دوو ئەفسەری فەرماندەیی ئۆپرسێۆنەكانی دیجلە گیانیان لەدەستدا و دوو ئەفسەری تریش بە سەختی بریندار بوون، یەكێك لە بریندارەكان ئەفسەری سوپایە لە فرقەی پێنج، لە ئێستەدا دەوروپشتی ناوچەكە گەمارۆدراوە.
گەرمیان / سەبری هۆرینی