بڕیار وابوو سبەی سێشەمم، كۆبوونەوەی ئەنجوومەنی پارێزگای
هەولێر بەسەرۆكایەتی عەلی ڕەشید كۆبوونەوەی ژمارە 42 ئەنجام بدرێت بەڵام ئەم كۆبوونەوەیە
دواخرا بۆ ڕۆژی پێنج شەمە .
كۆبوونەوەكەی ئەنجوومەنی پارێزگەی هەولێر لەسەر ڕێكخستنی
خێرایی لێخورین بوو لە دوو شەقامی سەرەكی هەولێر كە بریتین لەشەقامی كۆییە و شەقامی
هەولێر پیرمام كە داوا كرابوو لەلایەن بەڕێوبەرایەتی هاتووچۆی هەولێر خێرای شەقامی
هەولێر تاكو كەسنەزان بكرێت بە 60 و شەقامی هەولێر پیرمام لە 80 وە بكرێتە 100 .
سەبری عیسمەت ئەندامی ئەنجوومەنی پارێزگەی هەولێر بە "وشە"ی
ڕاگەیاند كە كۆبوونەوەكە بەهۆی بوونی چەند پێشهاتێك دواخرا بۆ ڕۆژی پێنج شەمە و ئەم
كۆبوونەوەیەش لەسەر داوای بەڕێوبەرایەتی هاتووچۆی هەولێرە .
مەریوان پیرباڵ بەڕێوبەری ڕاگەیاندن لە ئەنجوومەنی پارێزگەی
هەولێر بە "وشە"ی ڕاگەیاند " كۆبوونەوەكە دواخرا بۆ ڕۆژی پێنج شەمە
و ئەو ڕۆژە بابەتی سەرەكی وەكو خۆی دەمێنێتەوە هەمان پەیڕەو و بەرنامەی ڕۆژی سێشەمە
دەخرێتەوە كار".
ئەنجوومەنی پارێزگەی هەولێر خاوەنی 31 ئەندامە و 25 ئەندامی
حزبەكان و 6 ئەندامیشی كەمە نەتەوایەتیەكان پێكهاتەكەین .
رامیار جواد