سەرچاوە هەواڵگرییەكانی عێراق لە نێو مووسڵەوە ئاشكرایان كرد، كە رێكخراوی تیرۆریستی داعش لە شەوی رابردووەوە دەستی بە هەڵمەتێكی گەڕان و پشكنین لە ناوچە جیا جیاكانی مووسڵ كردووە.
ئەو سەرچاوانە ئاشكرایان كرد، كە تیرۆریستان ترسی زۆریان لێ نیشتووە و تووشی سەرسڕمان بوونە كە چۆن فڕۆكەكان بە ئاسانی شوێنەكانیان ئاشكرا دەكەن و بۆردمانی دەكەن، ئەوان تەنیا بیریان لە بوونی شانە هەواڵگرییەكان لە نێو مووسڵ هەیە كە لە ڕێی مۆبایلەوە تەواوی زانیارییەكان دەگەیەنن.
هەروەها ڕوونیان كردەوە، بەوهۆیەوە رێكخراوی تیرۆریستی داعش لە شەوی ڕابردووەوە و ئەمڕۆ بەردەوامن لە هەڵمەتێكی گەڕان و پشكنین هەر كەسێك مۆبایلی لا بێ، لێی دەستێنن و ئەوەشی گومانی لێ بكەن دەیگرن و دەیخەنە گرتووخانەوە.
لەلایەكی ترەوە هەواڵگری نەینەوا هێمایان بۆ ئەوە كردووە، كە یەكێك لە گەنجانی مووسڵ توانیویەتی تۆڕی لاسلكی تیرۆریستان هاك بكات و تەواوی فەرمان و ڕێنمایی و زانیاریی تیرۆریستان و جوڵەكردنیان ئاشكرا بكات.
وشە/باز.