قوتابخانەی خومەینی لە بەرتلە كرایەوە
هەڵمەتی بە ئێرانیكردنی پەروەردەی خەڵكی دەست پێ كردووە



نوێنەری كوردانی شەبەك لە ئەنجوومەنی نوێنەرانی عێراق ئاشكرای كرد، میلیشیاكان ئەجێندای ئێران لە ناوچەكانی كوردی شەبەك جێبەجێ دەكەن و قوتابخانە بەناوی خومەینی و وێنەی خومەینی لە ناوچەكە بڵاو دەكەنەوە، دووپاتیش لەوە دەكاتەوە كە ئەوان بە تەواوی دژی ئەو ئەجێندایەی ئێران و هەر وڵاتێكی تر له ‌ناوچەكانیان ئەنجامی بدات.

سالم شەبەك نوێنەری كوردانی شەبەك لە ئەنجوومەنی نوێنەرانی عێراق بە "وشە"ی ڕاگەیاند،  میلیشیاكان لە ناوچەكانی شەبەك قوتابخانە دەكەن بەناوی خومەینی و وێنەی خومەینی لە ناوچەكە هەڵدەواسن و بڵاوی دەكەنەوە، ئەمە ئەجێندای ئێرانە و ئێمەش ئەوە بەهیچ شێوەیەك قبووڵ ناكەین، ئەمە ئەجێندایەكی زۆر نامۆیە بە ئێمە و بە تەواوی مەحاڵە قبووڵ بكرێ، چونكە ئەمە خیانەتە لە میللەتەكەمان و خەڵكی دەشتی نەینەواش بە هیچ شێوەیەك ئامادە نین خۆیان رادەستی دەوڵەتێكی تر بكەن، چ ئێران بێ یان هەر دەوڵەتێكی تری ناوچەكە.

بەگوێرەی زانیارییەكانی "وشە"، میلیشیاكانی سەر بە ئێران لە ناوچەكانی شەبەك لە دەشتی نەینەوا دەستیان بە قوتابخانە دروستكردن كردووە و دەیانەوێ بە سیستەمی خوێندنی كۆماری ئیسلامیی ئێران خەڵكی ئەو ناوچەیە پەروەردە بكەن و بە تەواوی پێوەستیان بكەن بە ئێرانەوە، بۆ ئەو مەبەستەش لە ماوەی ڕابردوو لە گوندی خەزنەی سەر بە شارەدێی بەرتلە قوتابخانەی ئیمام خومەینی كراوەتەوە، میلیشیاكانیش بە تەواوی یارمەتیدەر و ڕێخۆشكەر بۆ ئەو كارەی ئێران لە ناوچەكە ئەنجامی دەدات.



وشە - باز ئه‌حمه‌د


PM:04:13:13/09/2017




ئه‌م بابه‌ته 1453 جار خوێنراوه‌ته‌وه‌‌



زۆرترین خوێنراو‌
بابەتی پێوه‌ندار ‌