دوای دەركەوتنی ئەنجامەكانی هەڵبژاردنە سەرۆكایەتییەكەی رۆژی سێشەم رێكەوتی هەشتی نۆڤێمبەر/تشرینی دووەمی رابردوو، كە بریتی بوو لە سەركەوتنی دۆناڵد ترەمپ كاندیدی پارتی كۆمارییەكان و بوونی بە سەرۆكی ویلایەتە یەكگرتووەكانی ئەمەریكا، چەندان كاردانەوەی ناڕەزایی و لەنێوانیشیاندا خۆپێشاندانی ژمارەیەك لە لایەنگرانی كاندیدی پارتی دیموكراتەكان هیلاری كلینتن كە نەیتوانی لە هەڵبژاردنەكەدا سەركەتوو بێت، بەڕێوە چوو.
بە گوێرەی زانیارییەكان، خۆپێشاندانەكان تا ئێستەش بەردەوامییان هەیە و ئەم كۆمەڵە وێنەیەی خوارەوەش بەشێكن لە دیمەنەكانی ئەو خۆپێشاندانانەی دژ بە ترەمپ دەكرێن، كە تێیاندا خۆپێشاندەران چەندان دروشمی جیاجیایان بەرز كردووەتەوە و پێیانەوە دژایەتیی خۆیان بۆ دۆناڵد ترەمپ دووپات دەكەنەوە، بۆ نموونە یەكێك لە خۆپیشاندەران لەو دروشمەی هەڵیگرتووە نووسیویەتی: "نا بۆ رق و رەگەزپەرستی و دەمارگیری لەناو كۆشكی سپیی ئێمەدا".
سەرچاوە: بی بی سی.