بەكارهێنانی تەلەفزیۆن لە دایەنگەكان قەدەغە كرا
بەهۆی زیان و مەترسییەكانی لەسەر منداڵ بەتایبەت لە قۆناغی دایەنگە، بەڕێوەبەرایەتی گشتی چاودێری و گەشەپێدانی كۆمەڵایەتی لە پارێزگای سلێمانی بەكارهێنانی تەلەفزیۆن و كەناڵەكانی ڕاگەیاندن لە دایەنگەكان قەدەغە دەكات.
ئەمڕۆ چوارشەم 23ی ئایار/ مایۆ، بە نووسراوێكی بەرێوەبەرایەتی گشتیی چاودێری و گەشەپێدانی كۆمەڵایەتی بڕیار دراوە كە بەكارهێنانی تەلەفزیۆن و كەناڵەكانی ڕاگەیاندن لە دایەنگەكان قەدەغە بكات، ئەوەش بەهۆی ئەو زیانانەی كە لەسەر گەشەی منداڵ و ژیریی و لایەنی دەروونی هەیەتی لەو قۆناغە هەستیارەی تەمەندا.
لە نووسراوەكەدا ئەم بڕیارانە دراوە كە قەدەغەكردنی بەكارهێنانی تەلەفزیۆن و كەناڵەكانی ڕاگەیاندن لە سەرجەم دایەنگەكاندا هاوكات دایەنگەكان لە ماوەی شەش مانگی داهاتوودا كاردەكەن بۆ خستنەڕووی پڕۆگرامی پەروەردەییو كۆمەڵایەتی ئامانجدار لە ڕێگەی سكرین و داتاشۆوە.
جێی ئاماژەیە ئەم بڕیارەی بەشێكە لە پڕۆسەیەكی گرنگیپێدان بە پەروەردەی منداڵ و ڕەخساندنی ژینگەیەكی گونجاو بۆ گەشەی منداڵ لە دایەنگەكاندا، هەروەها ئەم بڕیارە دوا بەدوای ئەوە دێت كە زمانی بێگانەیش لە داینگە و باخچەكانی ساوایان قەدەغە كرا.
وشە -
سهرخێڵ هاشم