یۆرۆپول: په‌كه‌كه‌ ئه‌وروپای كردووه‌ته‌ بازاڕی كڕینی چه‌ك

ئاژانسی جێبه‌جێكردنی یاسا له‌ ئه‌وروپا "یۆرۆپول" له‌ ڕاپۆرتێكدا ئاشكرای كرد، پارتی كرێكارانی كوردستان په‌كه‌كه‌ كه‌ له‌ ته‌واوی وڵاتانی ئه‌وروپا قه‌ده‌غه‌یه‌، به‌ڵام ئه‌و هێزه‌ ئه‌وروپای كردووه‌ته‌ بنكه‌یه‌كی لۆجستی بۆ كڕینی چه‌ك و كێشكردنی خه‌ڵك بۆ ڕیزه‌كانی.

به‌شی "تیرۆریی ئیتنی و گه‌نده‌ڵی و جیابوونه‌وه‌ی" یۆرۆپول له‌ ڕاپۆرتی ناوه‌ڕاستی 2018 له‌ باره‌ی "تیرۆر"ه‌وه‌ ئاماژه‌ی داوه‌، په‌كه‌كه‌ به‌ فره‌وانی له‌ وڵاتانی ئه‌وروپا خه‌ڵك چه‌كدار ده‌كات و بۆ ڕیزه‌كانی خۆی ڕایان ده‌كێشێت.

ئاماژه‌ی داوه‌، په‌كه‌كه‌ ئه‌وروپای كردووه‌ته‌ بنكه‌یه‌كی لۆجستی و كڕینی چه‌ك و به‌سه‌ربازكردنی خه‌ڵك، بۆ ئه‌و مه‌به‌سته‌یش له‌ ماوه‌ی ڕابردوو فڕه‌نسا "كۆمه‌ڵه‌ی جه‌وانێن كوردی" قه‌ده‌غه‌ كردووه‌، به‌ تۆمه‌تی كۆكردنه‌وه‌ی چه‌كدار ناردنی بۆ ڕیزه‌كانی په‌كه‌كه‌ و بردنی گه‌نجانی كورد بۆ ڕیزی په‌كه‌كه‌، دوای باوه‌ڕهێنان به‌ گه‌نجه‌كان ده‌برێنه‌ سه‌ربازگه‌كانی په‌كه‌كه‌ له‌ ئه‌رمینیا و ئێران و عێراق مه‌شقیان پێ ده‌كرێ و دواتر وه‌ك چه‌كداری حزبه‌كه‌ ده‌برێنه‌ شه‌ڕه‌كانه‌وه‌، بۆیه‌ فڕه‌نسا دووپات له‌وه‌ ده‌كاته‌وه‌ كه‌ ساڵانه‌ به‌ ده‌یان هاووڵاتی وڵاتانی ئه‌وروپا چه‌كدار ده‌كرێن و ده‌برێنه‌ ڕیزه‌كانی په‌كه‌كه‌وه‌.

په‌كه‌كه‌ له‌لایه‌ن وڵاتانی ئه‌وروپاوه‌ وه‌ك ڕێكخراوێكی "تیرۆریستی" هه‌ژمار ده‌كرێ، ئه‌و حزبه‌ له‌ 1984ه‌وه‌ له‌گه‌ڵ توركیا له‌ شه‌ڕدایه‌ و تا ئێسته‌ له‌ شه‌ڕی نێوان توركیا و په‌كه‌كه‌ 40 هه‌زار كه‌س كوژراوه‌ و ڕووبه‌ڕووبوونه‌وه‌ تا ئێسته‌یش به‌رده‌وامی هه‌یه‌.


وشە - باز ئه‌حمه‌د


AM:09:17:22/06/2018




ئه‌م بابه‌ته 769 جار خوێنراوه‌ته‌وه‌‌



زۆرترین خوێنراو‌
بابەتی پێوه‌ندار ‌