لە ئەنجامی بۆردوومانی
چەكدارانی داعش بۆ سەر گوندێكی سنوری مەخمور كە هێزەكانی سوپای عێڕاقی تێدا نیشتەجێبوە
بەوهۆیەوە سەربازێكی كورد شەهید بوو پێنج سەربازی تر بە سووكی بریندار بون .
حمید سابیر كەرخی
بەر پرسی کۆگای چەکی سوپای عێڕاق لە سنوری مەخمور بە "وشە"ی ڕاگەیاند
" ئێوارەی ئەمڕۆ كە ئەندامانی سوپا خەریكی خولێكی ناو سەنگەرەكان بوون بۆ ئەوەی
خۆیان ئامادە بكەن بۆ هێرشی سەر موسڵ ئێمە چاودێری ناوچەكەشمان ئەكرد بەڵام بەهۆی شاردنەوەی
چەكەكانیان و تونێلەكانیان لە پڕێك سێ گولە هاوەنیان ئاراستە كردین ".
زیاتر گووتی"
كە یەكێك لە گولە هاوەنەكان لە گوندی نەسین لەناو هێزەكانمان كەوتە خوارەوە بەوهۆیەوە
ئەندامێكی سوپامان شەهید بوو كە كوردە و پێنجی تریش بریندار بوو ".
ناو براو ئاشكراشی
كرد ئێمە هەرچەندە وەڵامیكی توندمان دانەوە بەڵام بێسود بوو چونكە دەچنە ناو توێلەكان
و كاریگەری چەكەكانمان بێسوودە ".
بەهۆی خۆ ئامادەكارییەكانی
پێشمەرگە و سوپای عێڕاق بۆ گرتنەوەی شاری موسڵ چەكدارانی داعش جموجۆڵی هاویشتنی گولە
تۆپ و هاوەن ئەنجام دەدەن وەک نیشانەیەک بۆ بوونی خۆیان.
وشە/ ڕامیار جواد