دوای 24 سەعات لە خواردنەوەی وزەبەخشەكان چی لە جەستە ڕوودەدا؟

خواردنەوە وزە بەخشەكان لە بازاڕدا وەك خواردنەوەیەكی ئاسایی دادەنرێت كە لایەنی دەروونی و جەستەیی مرۆڤ بەهێز دەكات، بڕێكی یەكجار زۆر كافاینی تێدایە، هەرگیز لە خۆتت بیستووە كە ئایا دوای خواردنەوەی ئەم وزە بەخشە چی لە لەشدا ڕوودەدات؟ 

كاریگەرییەكەكانی خواردنەوەی وزەبەخشەكان لە ماوەی 24 سەعات لەسەر جەستەی مرۆڤ.
یەكەم: دوای 10 خولەك، كاتێك خواردنەوەیەكی وزە بەخش دەخۆیتەوە تەنیا لەماوەی 10 خولەكدا كافاین دەگات بەخوێن، لەئەنجامدا پەستانی خوێن و لێدانی دڵ بەرز دەبێتەوە.

دووەم: لەدوای 15 بۆ 45 خولەك، لەدوای ئەم ماوەیە ئاستی كافاین بە ڕێژەیەكی زۆر لە خوێندا زیاد دەكات .

سێیەم: دوای 30 بۆ 50 خولەك، كافاینەكە بەتەواوی دەمژرێت، جگەر وەڵامی ئەم كردارە دەداتەوە و بڕێكی زۆر شەكر دەكاتە خوێنەوە.

چوارەم: لە دوای سەعاتێك، لەشت دەست دەكات بە دەردانی شەكر بۆ ئەوەی كاریگەرییەكانی كافاین كەم ببێتەوە، لێرەدا هەستی ماندوویتی زیاد دەكات و ئاستی وزەی لەش كەم دەبێتەوە.

پێنجەم: لە دوای پێنج تا شەش سەعات، لەشت لەم ماوەیەدا بڕێك كافاین كەم دەكاتەوە لە خوێندا بە ڕێژەی نیوە، یان نزیكەی %50.ئەگەر خانمان لەهەمان كاتدا خواردنەوەی وزە بەخش و حەپی رێگری لە سكپربوون بەكار بهێنن، ئەوا دووهێندە كاتی پێویستە تا ئەو  ڕێژەیە لە كافاین لە جەستە كەم ببێتەوە.

شەشەم: پاش 12 سەعات، بڕێكی زۆر كافاین لە خوێندا كەم دەبێتەوە ئەم كەمبوونەوەش پێوەستە بە تەمەن و چالاكی جەستەیەوە.

حەوتەم: لەدوای 12 بۆ 24 سەعات، پاش ئەو ماوەیە ڕێژەی كافاین لە خوێندا بە تەواوی كەم دەبێتەوە چەند نیشانەیەك لە لەشدا روودەدات وەكو ژانەسەر و قەبزی و هەستەوەری. 



وشە - ئاوات ئازاد


PM:03:48:15/08/2018




ئه‌م بابه‌ته 4166 جار خوێنراوه‌ته‌وه‌‌