واسق هاشمی شرۆڤەكاری سیاسی دووپاتی دەكاتەوە كە پارتە كوردییەكان رۆڵی یەكلاكەرەوەیان لە پێكهێنانی فراكسیۆنی گەورەترینی پەرلەمان لە نێوان دەوڵەتی یاسا بە سەرۆكایەتیی نووری مالیكی و سائیروونی پاڵپشتیكراو لەلایەن موقتەدا سەدر دەبێت.
هاشمی لەو بارەوە بۆ "
ئەلمەعلوومە" گوتی، سەدر بە مەبەستی پێكهێنانی فراكسیۆنی گەورەترین لە بەغدایە، ئەوەیش دوای پەسندكردنی ئەنجامی هەڵبژاردن لەلایەن دادگای فیدراڵەوە، بۆیە لە رۆژانی داهاتوودا مالیكی و سەدر لە كێبەركێدان بۆ پێكهێنانی گەورەترین فراكسیۆن.
زیاتر گوتی، هەریەك لە سائیروون و دەوڵەتی یاسا لە رێگەی ئەو هاوپەیمانیەتییانەی كردووپانە ژمارەیەكی یەكسانی كورسی پەرلەمانیان هەیە، روونی كردەوە، بۆیە پارتە كوردییەكان دەبنە بەردی تەرازوو بۆ یەكلاكردنەوەی دۆخەكە لە نێوان سەدر و مالیكی بۆ پێكهێنانی فراكسیۆن گەورەترین.
ئەمڕۆ شاندێكی تەوەری نیشتیمانی كە هاوپەیمانی شەش هێزی سوننەی براوەی هەڵبژاردنە سەردانی هەولێریان كرد و لەگەڵ سەرۆك بارزانی و هەردوو شاندی یەكێتی و پارتی كۆبوونەوە بۆ گفتوگۆكردن بەر لە راگەیاندنی هەڵوێستی خۆیان بۆ چوونە پاڵ سەدر یان مالیكی.