له‌ كه‌مپى ئاواره‌كان كچێك خۆی كوشت


دوای نیوه‌رۆی ئه‌مڕۆ دووشه‌م پێنجی تشرینی دووه‌م / نۆڤێمبه‌ر، كچێكی ئاواره‌ له‌ ناو كه‌مپی مام ره‌شانی سه‌ر به‌ شارۆكه‌ی شێخان كۆتایی به‌ ژیانی خۆی هێنا و تا ئێسته‌یش هۆكاری خۆكوشتنی ئه‌و كچه‌ نه‌زانراوه‌.

شایه‌ت حاڵێكى ڕووداوه‌كه‌ به‌ "وشه‌"ی راگه‌یاند، ئێواره‌ی ئه‌مرۆ دووشه‌م پێنجی تشرینی دووه‌م / نۆڤێمبه‌ر، به‌ هۆكارێكی نادیار كچێكی ئاواره‌ له‌ناو كه‌مپی مام ره‌شانی سه‌ر به‌ شارۆكه‌ی شێخان كۆتایی به‌ ژیانی خۆی هێنا.

زیاتر گوتی، كچه‌كه‌ ناوی "هه‌یام ئه‌لیاس خه‌یری" یه‌ و ته‌مه‌نی 17 ساڵه‌ و خه‌ڵكی شاره‌دیێ گرعوزێری سه‌ر به‌ شارۆكه‌ی شنگاڵه‌ و وه‌كو ئاواره‌ له‌ناو كه‌مپی مام ره‌شان ماوه‌ی چوار ساڵه‌ ده‌ژیت.

رووداوه‌كانی خۆكوشتن و كوشتن له‌ناو كه‌مپه‌كانی سنووری پارێزگای دهۆك به‌ره‌و هه‌ڵكشانه‌وه‌ ده‌چێت و به‌شی هه‌ره‌ زۆری رووداوه‌كان هۆكاره‌كانیان نادیارن.

شێخان/ نه‌وزاد هلۆری


وشە - ڕۆزی عه‌بدولره‌حمان


PM:07:12:05/11/2018




ئه‌م بابه‌ته 193 جار خوێنراوه‌ته‌وه‌‌



زۆرترین خوێنراو‌
بابەتی پێوه‌ندار ‌