مەسروور بارزانی راوێژكاری
ئەنجوومەنی ئاسایش و راسپێردراوی پێکهێنانی کابینەی نوێی حکوومەتی هەرێمی كوردستان
لەگەڵ ئاندرۆ پیک، جێگری وهزیری دهرهوهی
ئهمەریكا بۆ کاروباری عێراق و ئێران کۆ بوونەوە.
لە راگەیەندراوێکدا
نووسینگەی راوێژکاری ئەنجوومەنی ئاسایشی هەرێم بڵاوی کردۆتەوە، لە دیدارێکدا، کە ماتیۆ
تولەر باڵیۆزی ئەمەریکا لە عێراق و ستیڤن فاگن کونسوڵی گشتی ئەمەریکا لە هەولێر و بەیان سامی عەبدولرەحمان، نوێنەری حکوومەتی
هەرێمی کوردستان لە ئەمریکا ئامادەبوون، پێشهات و پەرەسەندنەکانی ناوچەکە بەگشتی و
پەرەپێدانی پێوەندییەکانی نێوان هەردوولا لە بوارە جیاکاندا تاوتوێ کرا.
زیاتر روون
کراوەتەوە، مەسروور بارزانی تیشکی خستە سەر پرۆسەی پێکھێنانی کابینەی نۆیەمی
حکوومەتی هەرێمی کوردستان و رایگەیاند، هەنگاوەکان دەستیان پێ کردووە و لە وادەی دیاریکراودا
پێکھاتەی کابینە بۆ متمانە وەرگرتن و سوێند خواردن دەخرێتە بەردەم پەرلەمان.
"هەروەها ئاماژە
بە رەوش و پرۆسەی سیاسی لەعێراق درا و جەخت لە چارەسەرکردنی کێشە هەڵواسراوەکانی
نێوان بەغدا و هەولێر لەچوارچێوەی دەستوور کرایەوە" لە راگەیەندراوەکەدا وا
نووسراوە.
نووسینگەی ئەنجوومەنی
راویژکاری ئاسایشی هەرێم ئاماژەی داوە، جێگری وهزیری دهرهوهی ئهمەریكا بۆ کاروباری
عێراق و ئێران، هیوای سەرکەوتنی بۆ مەسروور بارزانی لە ئەرک و بەرنامەی کابینەی داهاتوو
خواست و ئامادەیی وڵاتەکەشی بۆ هاوکاری و پەرەپێدانی پەیوەندییەکان لە سەرجەم بوارەکان
نیشاندا.