ئهڤرۆ د كونگرهیهكێ رۆژنامهڤانیدا ل پارێزگهها دهۆكێ، خێرخوازهك و دوو كومپانیان كوژمێ 158 ملیون دینار ل سهر هژمارهكا خێزانێن ههژار ل پارێزگهها دهۆكێ دابهشكرن.
شیرزاد حهمید رێڤهبهرێ گشتیێ چاڤدێرییا جڤاكی و گهشهپێدانا جڤاكی ل پارێزگهھا دھۆكێ، د كونگرهیهكێ رۆژنامهڤانیدا گۆت: لسهر راسپاردهیا مهسروور بارزانی سهرۆكێ حكوومهتا ھهرێما كوردستانێ و لدیڤ داخازییا فهرھاد ئهمین پارێزگارێ دھۆكێ، ئهڤرۆ ل دھۆكێ خێرخواز كاوه عهبدوڵا جونهید رێكانی كوژمێ 122 ملیۆن دینار وهك هاریكاری پێشكێشی 508 خێزانێن ههژار و كێمدهرامهت كرن ژ وانان 200 خێزان دێ ل سنوورێ قهزا ئامێدیێ بن.
زێدهتر گۆت: ههردیسان خێرخواز حازم توڤی خودانێ كۆمپانیا تۆڤی گرووپ، كوژمێ 24 ملیۆن دینارێن وهك هاریكاری پێشكێشی خێزانێن ههژار و كێمدهرامهت ل دهۆكێ كرن، دیسان ئیبراهیم شنگالی خودانێ كۆمپانیا راست گرووپ ژی، كۆژمێ 12 ملیۆن دینارێن پێشكێشی وان خێزان ههژار و كێمدهرامهتێن دهۆكێ كرن.
ناڤبری دیاركر ژی كو ئهڤ كوژمێ پارهی ب رێیا لیژنهكا تایبهت ب میكانیزم دێ لسهر خێزانێن ههژار هێنه دابهشكرن و گوت ژی: دخوازین كهسانێن دن ژی هاریكارێ بكهن داكو هاریكاری بگههن ههموو ههژارێن.