حكوومەتی ڕاگوزەریی سووریا و هێزەكانی سووریاری دیموكرات، گەیشتنە چارەسەرێكی گونجاو بۆ گەڕەكە كوردییەكانی شاری حەلەب و هەسەدە كشانەوە.
ئەمڕۆ سێشەم، یەكی نیسان، وەزارەتی ناوخۆی حكوومەتی ڕاگەوزەری سووریا لە ڕاگەیەندراوێکدا ڕێککەوتنی نێوان هێزەکانی سووریای دیموکرات و ئیدارەی نوێی وڵاتەکەی لەبارە گەڕەکە کوردییەکانی پارێزگای حەلەب ڕاگەیاند و بەپێی ڕێکەوتنەکە هێزە کوردییەکان لە هەردوو گەڕەکی ئەشڕەفییە و شیخ مەقسوود دەکشێنەوە.
هەروەها هەردوولا ڕێککەوتن لەسەر پاراستنی دامەزراوە مەدەنییەکان لە هەردوو گەڕەکەکەدا و ئازادکردنی سەرجەم دەستگیرکراوەکان.
هەر بە پێی ڕاگەیەندراوەکەی وەزارەتی ناوخۆی سووریا، هەسەدە و دیمەشق، لەسەر ئاسانکاری هاتووچۆ لەنێوان هەردوو گەڕەکە کوردییەکە و ناوچەکانی باکووری ڕۆژهەڵاتی وڵاتەکە ڕێککەوتن.