پەیامێكی سەرەخۆشی لە سەرۆک بارزانییەوە

:: PM:10:28:01/04/2025 ‌

سەرۆک بارزانی سەرەخۆشی لە سەرۆک کۆماری پێشووی عێراق دەکات، بەبۆنەی كۆچی دوایی برایەوە.

ئێوارەی ئەمڕۆ سێشەم، یەكی نیسان، سەرۆک بارزانی لە ڕێی تەلەفۆنەوە، پێوەندی بە بەرهەم ساڵح سەرۆک کۆماری پێشووی عێراقەوە کرد.

لەو پێوەندییەدا، وەك بارەگای بارزانی بڵاوی كردووەتەوە، سەرۆک بارزانی پرسە و سەرەخۆشی و هاوخەمیی خۆی بە بەرهەم ساڵح و بنەماڵەکەیان ڕاگەیاند بۆ کۆچی دوایی خوالێخۆشبوو بەڵێن ساڵح برای دکتۆر بەرهەم ساڵح.



وشە - تایبه‌ت