یەكێك لەو كێشە تەندروستییانەی ئێستە دروست بووە، چەوریی ورگە، كە هەمووان هەوڵی زۆر دەدەن بۆ تواندنەوە بە هەر رێگەیەك بێت.
لە رابردوودا، زۆر رێگا بۆ توانەوەی چەوری ورگ تاقیكراونەتەوە، جگە لە وەرزشی بەردەوام و رۆژانە.
خواردنەوەی سروشتی ئاشكرا بووە، کە یارمەتی سووتاندنی چەوریی ورگ دەدەن و میتابۆلیزم بەرز دەكەنەوە، بەپێی توێژینەوەیەك كە لە ڕۆژنامەی تایمز ئۆف هیندستان بڵاوكراوەتەوە.
خواردنەوەكانی وەك "ئاوی لیمۆ و هەنگوین، ئاوی زیرە، چای زەنجەفیل، ئاوی ڕەشكە" نموونەی ئەو خواردنەوانەن كە یارمەتیدەرن بۆ كەمكردنەوەی ئاوسانی سك و سووتاندنی چەوری بە شێوەیەكی سروشتی.
باشتر وایە ئەم خواردنەوانە، بە سكی بەتاڵ بخورێنەوە بۆ ئەوەی زۆرترین سوود بەدەست بهێنیت.