ب مەرەما پتر خزمەتکرنا وەلاتیان و کەرتێ هاتن و چونێ و خوشکرنا رێیا، دێ ترافیکا بناڤی هێت راکرن و شونا وێ بیتە ئوڤەرپاس، ل گەل دا ژی یوتێرنایەک هێتە دروستکرن.
ملەت عسمەن، سکرتێرێ رۆژنامەڤانی دیارکر کو دوو نووترین یوتێرنا دێ ل جادا بارزان هێنە دروستکرن و گوت، پروژێ قوناغا ئێكێ یا دروستكرنا ئوڤەرپاسا بناڤى ئێک رێیا خزمەتگوزارى یا جادا بارزان ب درێژاهیا 6کم هێتە چێکرن کو ئەڤ قوناغە ژ دوو یوتێرنا پێك دهێت، یوێرنا ئێكێ ل نێزیكى خارنگەها گەڤەركێ یە و یا دوویێ ژی ل نێزیك پرا شندوخایە ل سەر هێڵا بلەز یا جاددا بارزان.
زێدەتر گوت، پروژە دێ ل سەر بودجا وەزارەتا باژێرڤانیان یا حکومەتا هەرێما کوردستانێ ب كوژمێ 13 ملیار و 145 ملیون و 456 هزار و 100 دیناران ب سەرپەرشتیا سەروكاتیا باژێرڤانیا دهوكێ و ژلایێ كومپانیا کاڤین گروپ ، داڤەرست دهێنە ئەنجامدان و دەست ب کارێن خوە کریە.
جادا ناڤبری هەولێر و دهۆک ب زاخۆ و باکورێ کوردستانێ گرێددەت و ئێکە ژ ستراتیجترین رێیێن کوردستانێ یێن نیڤدەولەتی.
ب تمامکرنا پرۆژێ ناڤبری، ئێدی ژ دهۆک بۆ هەولێرێ تنێ دێ ترافیکا شێخان مینیت، ئانکو هەموو ترافیک دێ رابن و تنێ دێ ترافیکا شێخان ل سەر رێیا سەرەکی مینیت.